Mirza Ghalib

Hazaaron khwahishen aisi ke har khwahish pe dam nikle
Bahut nikle mere armaan lekin phir bhi kam nikle

Dare kyu mera qaatil, kya rahega uski gardan par
Woh khoon jo chashm-e-tar se umr bhar yun dam ba dam nikle

Dil hi to hai na sang-o-khisht dard se bhar na aaye kyon
Royenge hum hazar baar koi hamein sataye kyon

Dair nahi haram nahi dar nahi aastaan nahi
Baithe hain rahguzar pe hum ghair hamein uthaye kyon

Yeh na thi hamari qismat ke visal-e-yaar hota
Agar aur jeete rehte yehi intezaar hota

Tere waade par jiye hum to ye jaan jhoot jana
Ki khushi se mar na jaate agar aitbaar hota